Qarandaş

  سن چوخدان چیخیب گئدیبسن، من ‌ سه هله ده بو اوتاقدا سنه شعیر یازیرام، ایزله ‌ ییجی ‌ سی چیخیب گئتمیش اؤزو اؤزونه دئینَن تئلئویزیون کیمی!

  Sən çoxdan çıxıb gedibsən, Mənsə hələ də bu otaqda Sənə şeir yazıram, İzləyicisi çıxıb getmiş Özü özünə deyinən televiziyon kimi!

    ياشار، «گوج-بلايلا بو گئجه اوچون بيزه واخت وئريب. هئچ گؤر تئلئفونونو آچيردي! قاپي­سينا گئتديم، اونونلا ياخيندان دانيشديم،» دئدی. احمد، «هه، ائشيتميشم بو گونلرده بازاري يامان قيزيشيب، عم­­اوغلوم دئييردي شن­ليیيميزه چاغيرديق، دئدي گرک ايکي آي قاباقدان چاغيرايدينيز، واختيم دولودور!» دئدي. قاسيم، «گئچن هفته کيچيک قاينيمين تويويدو، ائله بو ميرت­آغا ' ني دعوت ائله­ميشديلر، ايکي ساعاتليق گلدي، يئرينيز بوش، يامان گولدوک، اوره­یي گئچَنلر ده اولدو،» دئدي. من، «آدي ميرت­آغا ' دير؟!» دئيه سوروشودوم. ياشار، «يوخ، آدي خان­اوغلان ' دير، آما ائل شن­ليکلرينده جاماعاتي گولدوردويونه گؤره خالق اونا ميرت­آغا دئيير،» دئدي. قاسيم، «هه، سن آخي تئهران ' دا ياشایيرسان، اونا گؤره بورادا اولوب-گئچَنلردن ائله خبرين اولمور. بورادا تويدا هم موسيقي وار هم ده آرادا ميرت­آغا جاماعاتي گولدورور، بير نئچه ايل اولار تويلار بئله گئدير،» دئدي. احمد، «هه ده، تئهران ' دا ميرت­آغا ' ني هارادان تاپاجاقسان؟!» دئدي. «تئهران ' دا دا بعضي رئستورانلاردا ميرت­آغا کيمي آداملار وار،» دئيه گ...

  Yaşar, "Güc-bəlayla bu gecə üçün biz ə vaxt verib. Heç gör telefonunu açırdı! Qapısına getdim, onunla yaxından danışdım," dedi. Əhməd, "Hə, eşitmişəm bu günlərdə bazarı yaman qızışıb, əmoğlum deyirdi şənliyimizə çağırdıq, dedi gərək iki ay qabaqdan çağıraydınız, vaxtım doludur!" dedi. Qasım, ''Geçən həftə kiçik qaynımın toyuydu, elə bu Mırtağa'nı də'vət eləmişdilər, iki saatlıq gəldi, yeriniz boş, yaman güldük, ürəyi geçənlər də oldu," dedi. Mən, "Adı Mırtağa'dır?!" deyə soruşudum. Yaşar, "Yox, adı Xanoğlan'dır, amma el şənliklərində camaatı güldürdüyünə görə xalq ona Mırtağa deyir," dedi. Qasım, "Hə, sən axı Tehran'da yaşayırsan , ona görə burada olub-geçənlərdən elə xəbərin olmur. Burada toyda həm musiqi var həm də arada Mırtağa camaatı güldürür, bir neçə il olar toylar belə gedir," dedi. Əhməd, "Hə də, Tehran'da Mırtağa'nı haradan tapacaqsan?!" dedi. "Tehran...