✍ Ernest Hemiqvey (Ernest Hemingway) Türkcəsi: Küyülü Nəccari Səid Hoteldə yalnız iki Amerikalı qalırdı. Otaqlarına gedib-gələrkən pillələrdə qarşılaşdıqları insanların heç birini tanımırdılar. Otaqları ikinci mərtəbədə, dənizə baxan tərəfdəydi. Otaq el bağına və savaş abidəsinə də baxırdı. Bağda iri xurma ağacları və yaşıl enli oturacaqlar var idi. Hava yaxşı olanda həmişə orada qıçlı tablo ilə bir rəssam olurdu. Rəssamlar xurmaların necə böyüdüyünü və bağlara, dənizə baxan hotellərin parlaq boyalarını xoşlayırdılar. İtalyalılar savaş abidəsinə baxmaq üçün uzaqdan gəlirdilər. Abidə bürüncdən idi və yağışda parıldayırdı. Yağış yağırdı. Xurma ağaclarından yağış damcılayırdı. Çınqıllı cığırlarda su gölməçələr oluşdurmuşdu. Dəniz yağışda uzun bir xətlə sahilə çırpılıb dağılırdı, sonra yenidən eyni uzun xətlə qabarıb çırpılmaq üçün sahilə yağışda doğru sürüşürdü. Maşınlar savaş abidəsinin yanındakı meydandan çıxıb getmişdi. Meydanın o biri tərəfində, kafenin qapısında bir qarson...

  ✍ائرنئست هئمینقوئی  تؤ رکجه ‌ سی : ک ۆیولو نجاری سعید هوْتئلده یالنیز ایکی آمئریکالی قالیردی. اوْتاقلارینا گئدیب-گلَرکن پیلله‌لرده قارشیلاشدیقلاری اینسانلارین هئچ بیرینی تانیمیردیلار. اوْتاقلاری ایکینجی مرتبه‌ده، دنیزه باخان طرفده‌یدی. اوْتاق ائل باغینا و ساواش آبیده‌سینه ده باخیردی. باغدا ایری خۇرما آغاجلاری و یاشیل ائنلی اوْتوراجاقلار وار ایدی . هاوا یاخشی اوْلاندا همیشه اوْرادا قؽچلی تابلو ایله بیر رسّام اوْلوردو. رسّاملار خۇرمالارین نئجه بؤیودویونو و باغلارا، دنیزه باخان هوْتئللرین پارلاق بوْیالارینی خوْشلاییردیلار . ایتالیالیلار ساواش آبیده‌سینه باخماق اۆچون اۇزاقدان گلیردیلر. آبیده بۆرونجدن ایدی و یاغیشدا پاریلداییردی. یاغیش یاغیردی. خۇرما آغاجلاریندان یاغیش دامجیلاییردی. چؽنقیللی جؽغیرلاردا سۇ گؤلمه‌چه‌لر اوْلوشدورموشدو. دنیز یاغیشدا اۇزون بیر خط‌له ساحیله چؽرپیلیب داغیلیردی، سوْنرا یئنیدن یاغیشدا عینی اۇزون خط‌له قاباریب چؽرپیلماق اۆچون ساحیله دوْغرو سۆروشوردو. ماشینلار ساواش آبیده‌سی‌نین یانینداکی مئیداندان چؽخیب گئتمیشدی. مئیدانین اوْ بیری طرفینده، کافه‌نین قاپی...