گئدیم می...
گئدیم می بو شهَردن، قالیم می بوردا؟!
اوزاقلاردا یاشاییم، اؤلوم مو بوردا؟!
بو شهَر گولور منیم آغریلاریما،
من ده اونون ایشینه گولوم مو بوردا؟!
منه ساتاشیر، دئییر: «اونوت گئچمیشی!»
اؤتَنلری اونودوم، سیلیم می بوردا؟!
یوخ، دلی شئیطان دئییر: «بوراخ شهَری!»
اونون سؤزونو وئجه آلیم می بوردا؟!
ووروب داغیدیم بوتون قورخولاریمی،
گؤزلریمدن هر نهیی سالیم می بوردا؟!
گئجهنین بیر یاریسی آلیم سازیمی
«من گئتدیم» ماهنیسینی چالیم می بوردا؟!
Comments
Post a Comment