چکمهسیلن
«چوخ
گؤزل! ساغ اول.»
«دَيمز. گئجيکدينيز؟»
«نئجه؟!»
«ساعاتا
باخيرسينيز!»
«يوخ. نهدن
بو سورغونو سوروشدون؟!»
«موشتريلريمين
چوخو ايشين سونوندا ساعاتا باخار، من ده ائله بو سوالي سوروشارام اونلاردان!»
«ماراقليدير!»
«بعضيلري تلهسرلر،
بعضيلري ايسه سيز وئرَن جاوابي وئررلر!»
«دئمک چکمهسیلنلیکده
آدام تانييان دا اولوبسان؟!»
«هئه، هئه، بير
آز!»
«بوردا آياققابي بویاماقلا بير شئي قازانا
بيليرسن؟!»
«پيس دئييل.
البته بورا اؤزونه گؤره اؤزَل بير يئردير.»
«نئجه ياني؟!»
«بو پارک
وار ها، سئوگيليلرين، يولداشلارين گؤروش يئريدير. بوردا چوخ اوغلان-قيز گؤروشر.»
«ياخشی...»
«او
ياريمچيق بيناني گؤرورسونوز؟»
«گؤرورم!!»
«اورانين
قاباغي توز-تورپاقدير. او تايدان پارکا گلَنلرين آياققابيلاري تئي توز-تورپاغا
بلهنير.»
«ياخشی...»
«بير
خانيمين گؤروشونه گلَن کيشينين اوستو-باشي تميز اولسا، بَيهنيلمه شانسي دا چوخالير.
ائله بو ائحتيمال يولوندان بيز ده بوردا چؤرَک قازانیريق...»
«هاه، هاه،
هاه! پارلاق بير فيکير!»
«هه، يولداش.»
«ياخشي.
اومارام سنین بو ايشين منيم پاييما دوشن ائحتيمالي دا چوخالدار! هلهليک، چکمهسیلن يولداش!»
«گوله-گوله!
بول شانسلار!»
Comments
Post a Comment