ÇATLAQ

 

Güzgüyə baxdı.

"Qaş-qabağa bax e!" deyə qoruldadı. "Səhər tezdən yuxudan dur, ac-susuz, qəhvəaltı yeməmiş evdən çıx, tıxacda qal, işdə də rəisin başıva qışqırsın."

Bir daha güzgüyə baxdı.

"Çox yorulmuşam," dedi.

Yel pəncərəni çırpdı. Diksindi, güzgü əlindən yerə düşdü. Tez əyilib götürdü. Bir neçə çatlaq, güzgünün üzünü cızmışdı. Bir daha güzgüdə özünə baxdı. Üzünün sağ-solu birbirinə uymurdu, ağzı-gözü əyilmişdi. Böyük nənəsinin sözü yadına düşdü:

"Çox elçim var idi. Birinci elçimin bir gözü alça dərirdi, bir gözü çuvala salırdı."

Elə özünə baxa-baxa qaqqıltısının səsi bürüdü otağı.

Comments

Post a Comment

Popular posts from this blog

تانیش یاد

کافه تۆنلوک‌دور، بوْش ماسا آختاریرام، بۆتون ماسالار دوْلودور. گؤز گزدیریرم، کافه‌نین بۇجاغیندا ، یاری سی شۆشه‌دن اوْلان دوُوارین یانیندا ایکی آداملیق ماسادا بیر قؽز تک اوْتوروب. ماسالارین آراسیندان سوْووُشوب اوْنا ساری گئتمه‌یه باشلاییرام. ماسالاردان دئییب گۆلمک سسی، قهوه-چای و سیقارئت اییی گلیر، کافه‌نین آتموسفئرینی غریبه بیر ترکیب بۆرویوب، قوْخولو سسلر یا دا سسلی قوْخولار!  «بۇرا بوْش مۇ، یوْخسا گؤزله‌دی‌یینیز بیرینین یئری‌دیر؟» دئیه قؽزدان سوْروشورام . قؽز ائشیتمیر. دایانیب اوْنا باخیرام، دالغین گؤرونور، ال تئلئفونونا دالمیش، دئیه‌سن. باشیندا قیرمیزی شال وار، قارا ساچلاری شالین آلتیندان چیخیب اۆزونه و چیینینه تؤکولوب . قیزدان جاواب گلمه‌دی‌یینه گؤره قاییدیب کافه‌دن چؽخیب گئتمک ایسته‌ییرم، دالدان بیر سس ائشیدیرم . «ایسته‌سه‌نیز، اوْتورا بیلرسینیز.» قاییدیرام، قیز منه باخیر، دوْداغیندا سوْلغون بیر گۆلومسه‌مه وار . «اوْتورون، من تکَم.» قیزین قاباغیندا بیر فینجان قهوه وار، بیر آز اوْ یانلیقدا بوْش بیر کۆل‌قابی وار . «سیز ده تک‌سینیز؟!» دئیه سوْروشور مندن . «هه، بۇ...
Read more

اوْلوم‌لا اؤلوم آراسی

اوْغلان آیاغا قالخدی، گؤزونه گؤرونن قارالتی‌نین قارشی‌سیندا دایاندی . «نئجه اوْلور اوْلسون، من بوُ ایشی بیتیره‌جه‌یم، سندن آیریلاجاغام!» بیر آز گؤزله‌دی، قارشی‌سینداکی قارالتی هئچ نه دئمه‌دی . «هه، دئیه‌سن، دئمه‌یه سؤزون یوْخ! اؤزون ده سۇچلو اوْلدوغونو مندن داها یاخشی بیلیرسن.» پنجره‌نین آرخاسینا گئچدی، ائشییه باخدی، قارانلیق ایدی، کۆچه‌ده یالنیز پاخلا-چۇغوندور ساتان کیشی وار ایدی، هامی ائوینه چکیلمیشدی. بیر سیقارئت آلیشدیردی، دریندن سوْموروب تۆستوسونو هیرس‌له پنجره‌نین شۆشه‌سینه پیله‌دی، تۆستو شۆشه‌یه دییب اوْنون اۆزونه ساری قاییتدی، پنجره اوْغلانین بوُ ایشینی جاوابسیز قوْیماق ایسته‌مه‌دی . کۆچه‌ده‌کی پاخلا-چۇغوندور ساتان یاشلی کیشی‌نین یانیندا چۇغوندور یئمه‌یی چوْخ ایسته‌ییردی، آنجاق ایندی‌یه‌جن گئدیب یئمه‌میشدی، کئفی‌نین کؤک اوْلدوغو گۆنو گؤزله‌ییردی. بوُ سوْن آیلاردا داریخماسی لاپ چوْخالمیشدی، بۆتون ایشلرینی یاریم‌چیق گؤروردو، حتا نئچه دؤنه درسی ده یاریم قوْیوب بیلیم‌یوردونو بۇراخماغی دۆشونموشدو، آنجاق آتا-آناسیندان چکیندی‌یینه گؤره بوُ ایشدن هله‌لیک واز گئچمیشدی. یاخ...
Read more