AYRILIQDAN SONRAKI A Y R I L I Q

"Sevgilindir?"

"Sevgilim idi!"

"Necə?!"

"Əski sevgilim."

"Nədən əski?!"

"İllər öncə ayrıldıq, hər nə bitib."

"Bir az öncə görüşdünüz, hər nə yenidən başlayacaq!"

"Yox! Bu imkansız!"

"Bunca ildən sonra görüşdünüzsə, birbirinizi unutmadınızsa, demək, arada nəsə var."

"Heç nə yoxdur. O ayrılıq hər şeyi vurub dağıtdı."

"Yenə olacaq!"

"Olmaz, biz yalnız yoldaşıq. Yəni, yoldaş olduğumuzu bugün anladıq."

"Necə?!"

"Bugün görüşəndə ürəyimiz döyünmədi, həyəcanlandıq, ancaq o da uzun illərdən sonra görüşməkdən gələn normal həyəcan idi."

"Elə hər nə sadə həyəcandan başlar."

"Yox, bu həyəcanın mahiyəti fərqliydi. Mən hər iki həyəcanı da yaşamışam, onu da bunu da. Qabaqkı həyəcan adamın canına yavaş-yavaş işləyirdi, bu isə birdən gəlib söndü."

"Nədən qabaqkı həyəycanı yaşamadın?!"

"Məncə belə bir vəziyət ayrılığı büsbütün yaşadığımızdan irəli gəlir."

"Bu nə deməkdir?!"

"Uzun ayrılıqda zaman var gücüylə öz ağalığını göstərir."

"Başa düşmədim!"

"Uzun ayrılıqda zaman istədiyi kimi insanlarla davranır. Yəni, geçmiş duyğuları, insanları unutdura biləcəyi qədər unutdurur, zehniyətləri dəyişdirir."

"Maraqlıdır!"

"Ayrılıq, zamanla məkanın birləşərək yaratdığı bir olğudur. Bir yanda ayrılanlar var, o biri yanda isə zaman-məkanla yaraqlanmış ayrılıq."

"Bunları indiyəcən heç düşünməmişdim!"

"Ayrılığın ilk günlərində ayların, illərində insanın duyğuları, zehniyəti dirənir, ancaq sonra görüşmə olmayınca duyğular da, zehiyət də təslim olmağa başlayır. Bir müddətdən sonra, artıq, duyğular keyiyir."

"Sonra nə olur?!"

"Duğyular keyiyəndən sonra adamın zehiyəti də dəyişilir. Artıq, adam o ayrıldığı yox, yeni bir insan olur. Bir ayrılığa yenik düşün insan sonrakı ayrılıqları saymaz olur, artıq, yenilmir. Demək, ayrılığa qarşı aşılanır!"

"Sonuc nə olur?!"

"Uzun ayrılıq görmüş əski sevgililər yenidən görüşüb dostlaşanda, artıq, yeni ayrılıqlardan təsirlənmirlər, onların yoldaşlığı zaman-məkandan eşiyə çıxır, ayrılığı silahsizlaşdırır! Yəni uzun müddət öncə ayrılanlar ayrılıqdan bir təhər öclərini almış olurlar!.."